بيتزا الطاسه

 

 بيتزا الطاسه

 :مكونات العجينه 

٢ كوب دقيق

ربع كوب لبن بودره

ربع معلقة صغيره ملح وزعتر

معلقة خميره فوريه

ربع كوب زيت

مياه حسب الحاجه

:تحضير العجين

يخلط الدقيق واللبن البودره والبهارات ويقلب ثم نقوم بإضافة الزيت والماء يضاف تدريجيا حتى يبدأ قوام العجينه فى الظهور .

:مكونات الصلصه

حبتين طماطم

فصين ثوم

معلقة صلصه كبيره

رشة بهارات (زعتر/ملح/فلفل اسود)

معلقتين كبار زيت 

:تحضير الصلصه

توضع جميع مكونات الصلصه على النار الى أن يبدأ قوامها بالتماسك

:التسويه

نقوم بوضع القليل من الزيت بالطاسه لدهنها وتفرد العجينه على شكل البيتزا ثم توضع عليها الصلصه ثم الجبن حسب الرغبه (موزيريلا/رومى) ثم نغطيها ونتركها لمدة ربع ساعه على نار هادئه

الجامعه العربيه المفتوحه بالشروق

 الجامعه العربيه المفتوحه بالشروق

توفر هذه الجامعه نظم ونهج تعليميه متميزه للتعليم الجامعى عن بعد للطلبه العرب وهو عباره عن لقاء الطلبه وجها لوجه مع اساتذتهم والطرق الرقميه الحديثه

أنشأت لتلبى احتياجات الطلاب التى لم تعد الجامعات الحكوميه قادره على استيعابهم وتبدأ بتنسيق 55% وتساعد فى الحصول على الشهادات العليا لمن لم يتم التحاقهم بالجامعه.

للقبول بالجامعه يقوم الطالب بتقديم شهاده معتمده تنص على إنهائه المرحله الثانويه كما أنها تنظر فى قبول خريجى المعاهد المتوسطة للحصول على درجة البكالوريوس أو الليسانس.

توجد الجامعه فى (القاهره /مدينة الشروق) وقد تم افتتاح الجامعه بحضور الأمير وليد بن طلال والأمير تركى بن عبدالعزيز وغيرهم من ال وزراء والسفراء العرب وتشمل الجامعه القاعات الدراسيه المجهزه بأحدث الوسائل التعليميه والمعامل المزوده بأعلى تقنيات الحاسب وتتميز بإستيعاب عدد كبير جدا من الراغبين مما تتيح فرص كبيره للمؤهلين وتعتمد على التدريس المباشر وايضا التعليم الاونلاين عبر الإنترنت اى أنهم يسعون لتوفير بيئه مناسبه لدعم التعليم .

للجامعه علاقات بمنظمة اليونسكو التى قامت عام 2001 حيث تقوم بدعم الجامعه بجميع الاحتياجات التكنولوجيه والعديد من السبل وإلاحتياجات التعليميه المختلفه 

يتم اعتماد درجة البكالوريوس بالنسبه لمصر فى 4 تخصصات:

(تقنية المعلومات والحوسبة/ اللغه الانجليزيه والحوسبه/إدارة الأعمال / التربيه ) حيث أن البرامج الدراسيه للجامعه المفتوحه تتماشى مع احتياجات سوق العمل.

تتميز الجامعه بمنح طلابها شهاده معتمده من المجلس الأعلى للجامعات بالإضافة إلى ميزة الحصول على شهاده بريطانيه .

قرش النمر

 

قرش النمر(القرش الببرى) يعد من أخطر اسماك القرش يصل طوله إلى ٥ أمتار ويعتمد على الصيد فى فترات الليل ويوجد بكثره فى الجزر الواقعه فى منتصف المحيط الهادى وفى المناطق الاستوائيه والمعتدله وفى العديد من الأماكن متنوعة الحراره ، لدى قرش النمر ميل لبلع أى شئ يلقاه فى طريقه لذلك لق عليه سلة مهملات البحر فالجينات الوراثيه لقرش النمر من الأسباب التى تجعل فريسته ليست حيوانات أو كائنات حيه فقط فقد يأكل برميل نفط فارغ ، أنه يأكل القشريات ،الاسماك ، الفقمات ، الطيور ، الدلافين والقروش الاصغر حجما كما انهم يأكلون اسماك قروش النمر من نفس فصيلتهم لذلك يطلق عليهم جنس الكانيباليزم بمعنى أنه آكلى لحوم جنسه بل ويهاجم حيوانات اكبر من حجمه بكثير كالحيتان .

اقصى عمق يمكن أن يصل له فى الماء هو ٩٠٠ متر ويعد من القروش المهاجره فى أشهر الشتاء البارده والذى يتوجه بإتجاه خط الإستواء ، يتميز اسماك قرش النمر أنه يمكن أن يتواجد فى المياه الضحله التى هى فى الأصل ضحله جدا لحجم اسماك القرش لكن هذا لا يسبب لها مشكله فقد توجد تسبح فى المناطق الساحليه على عمق ١٢ متر فقط وهذا يشكل خطراً على الناس.

يعد من أنواع القرش المعارضه للأنقراض بس بسبب كثرة صيده والإتجار بذعانفه .

موجود فى جمهورية الصين،هونج كونج، الهند، استراليا ونيوزلندا.

قرش النمر لديه رأس وتديه تمكنه من الإستداره فى جميع النواحى بسهوله ولديه زعنفه ظهريه تمكنه من الاستداره ٣٦٠ درجه ويتمكن من تغيير لونه فيلجأ إلى التمويه فى المياه المظلمه ولديه قوه فى النظر تسمح له بالرؤيه بوضوح فى الظروف القاسيه.

يحدث التزاوج مع اناث قرش النمر مره واحده كل ٣ سنوات ويحدث فى نصف القاره الجنوبى فى شهر نوفمبر وديسمبر ويناير ، وفى نصف القاره الشمالى بين شهر مارس ومايو ، ويأتى إلى عالم البحار من ١٠ 

الى٨٠ سمكة قرش النمر سنويا ويمكن أن يعيشوا حتى خمسون عاماً. 

😋😍 اوريو تشيز كيك

 

😋😍 اوريو تشيز كيك

الطريقة مش صعبة و بسيطة، ان شاء الله تعجبكم

بالنسبة للطبقة اللي تحت

400 جرام بسكوت اوريو مطحون

80 جرام زبدة ذايبة

نخلط المكونين مع بعض جيدا ثم نضعهم في طبق كيك و ندخلها الثلاجة الى ان نجهز الكريم

الكريم

400 مل كريم لباني / كرام شانتي للخفق

600 جرام جبنة كريمي / كريم شيز

100 جرام شوكولا بيضاء

سكر ناعم (الكمية حسب الرغبة) حبات اوريو مطحونة

يتم خفق الكريم لباني / كريم شانتي و تركها على جنب

نذيب الشوكولا البيضاء و نخلطها مع الجبنة الكريمي و السكر جيدا ثم نضيف الكريم شانتي و البسكوت

نضع الخليط في طبق الكيك و ندخله الثلاجة لمده اربع ساعات اقل شي

.

طريقة تحضير سويسرول

 

سويسرول

مقادير السبونج كيك ⬇️

4 بيضات

2/3 كوب ( 130 جرام ) سكر

1/3 كوب ( 40 جرام ) دقيق

3 معلقه كبيره مسحوق الكاكاو الخام

صينيه مقاس 30 × 40

مقادير شراب السكر ⬇️ 1/3 كوب ماء

50 جرام سكر بودره

مقادير الحشوه ⬇️

2/3 كوب ( 160 مل ) كريمة خفق

2 معلقه كبيره سكر

كاكاو وسكر بودره للتزيين

طريقة التحضير 🥣

- اضربي البيض كويس فى البدايه وبعدين ضيفي السكر وقلبيهم مع بعض وبعدين انقلى الوعاء فوق وعاء تاني من الماء المغلي ( حمام بخار مائي ) واستمري فى التقليب بالمضرب الكهربائي على سرعه قليله لمده ماتقلش عن 3 دقايق لحد ما الحجم يتضاعف معاكي

- اخلطى الطحين مع الكاكاو وبعدين بالتدريج هتضيفي خليط البيض مع التقليب بعد كل إضافه.

- صبي خليط الكيك فى صينيه مبطنه بورق الزبده وتساوي سطحها كويس جدا

- سخني الفرن على درجة حراره 200 درجه ودخليها لمدة 7 : 8 دقايق.

- خرجى الكيك من الفرن وظبطي الحواف بتاعته بسكينه صغيره وبعدين اقلبيه وحضري شراب السكر هتغلى الماء مع السكر وبعد ما يبرد هتدهني الكيك بالكامل بشراب السكر.

- اضربي الكريمه مع السكر لحد ما يتضاعف حجمها وتبقى لينه معاكي.

- وزعيها بالتساوي على سطح الكيك مع ترك نص سم فى النهايه فاضي

- لفي الكيك براحه خالص حوالين الحشوه على شكل رول وبعدين حطي عليها صوص الشوكلاته

- قطعي السويسرول شرايح وقدميه وبالهنا والشفا

.

كيك الريد فيلفت

 

كيك الريد فيلفت

المقادير ⬇️

- كوب ونص زبده‬

- كوب ونص السكر

- 3 بيضات

- 2 معلقه كبيره كاكاو

- كيس ونص لون أحمر "خاص بالاكل بالحلويات"

‫- معلقه صغيره من الملح‬

- 2 كوب ونص دقيق

- معلقه صغيره فانيليا

- كوب لبن رايب

- معلقه صغيره بيكنج بودر

- معلقه كبيره من الخل

مقادير كريمة التزيين ⬇️

- ‫ربع كيلو جبنه كريمي ناعمه‬

- 2 كوب سكر بودره

- معلقه صغيره فانيليا ويفضل تكون سايله

- مكعب صغير زبده حوالي 110جرام

طريقة التحضير 🥣

- باستخدام المضرب‬ الكهربائي اخلطي الزبده والسكر واضربيهم كويس على السرعه المتوسطه، وبعدين حطي البيض والفانيليا واضربيهم كويس برضه وعلى نفس السرعه.

- هتجيبي طبق صغير وتخلطي فيه اللون الأحمر مع الكاكاو وبعدين هتحطيهم مع البيض والسكر.

‫- حطي الملح والدقيق والبيكنج بودر واللبن الرايب على الخليط الاساسي ، واخلطيهم كويس، وبعدين هتضيفي معلقة الخل واخفقي جيداً.‬

- لما تتأكدي ان القوام متجانس واللون مكفي الخليط، هتحطي الخليط فى قالب الكيك، ودخليه في الفرن على درجة حراره 350 درجه، لمدة ساعه كامله.

- هتخرجي الكيك من الفرن وتسبيه تلت ساعه يبرد، وبعدين تقسمي الكيك 3 طبقات بسكينه رفيعه من النص

.

طريقة كريمة التزيين ⬇️

‫- تخلطي الزبده و الجبنه الكريمي بالمضرب كويس جدا.‬

- ضيفي السكر البودره للخليط، على مرتين "نص الكميه الاول وبعدين حطي باقى السكر واضربيه.

- حطي الفانيليا واتاكدي ان الخفق تمام لحد ما القوام يبقى متجانس وجاهز .

‫- هتفردي الكريمه بين الطبقات، وبعدين تغطي بيها الكيك من برا وتتأكدي إن مافيش أي أجزاء بارزة من الكيك.‬

حسب رغبتك ممكن تضيفي شرايح فراوله او ترشي السطح والجوانب باللون الأحمر.

- دخليها التلاجه قبل التقديم ب 3 ساعات على الاقل.

سندويتش تورتيلا باللحمه المفرومه والجبنه الموتزاريلا مع التوميه وصوص الطماطم الحار

 

سندويتش تورتيلا باللحمه المفرومه والجبنه الموتزاريلا مع التوميه وصوص الطماطم الحار

المقادير ⬇️

- معلقة زبده

- ربع كيلو لحمه مفرومه

- رشة فلفل اسود

- رشة ملح

- رشة قرفه

- رشة بهارات لحمه - ربع كباية بصل مفروم

- ربع فلفل أخضر

- معلقة صلصة طماطم

- ربع كباية مياه

- 2 رغيف تورتيلا

- جبنه موزاريلا

الخطوات ⬇️

- هندوب الزبده على النار ونضيف اللحمه ونقلبها لحد ما ميتها تتشرب ولونها يتغير.

- نتبلها بالملح والفلفل الاسود والبهارات والقرفه.

- نضيف البصل والفلفل الأخضر ونقلب لحد ما البصل والفلفل يتبلوا وبعدين نضيف معلقة الصلصله وربع كباية المياه ونقلب 

كويس لحد ما اللحمه تستوي.

- نحط رغيف عيش التورتيلا في طاسه تيفال على نار هاديه

ونفرد الجبنه الموتزاريلا ونحط فوقها اللحمه ونحط موتزاريلا على الوش ونلف العيش ونقفله زي اللي في الصوره كده - نقلب الرغيف على الوشين لحد ما الوشين يتحمروا.

- نكرر نفس الخطوات دي مع الرغيف التاني وبالهنا والشفا.

طريقة التوميه 👇🏻

- 3 معالق كبيره نشا

- كوب الا ربع مياه

- 3 فصوص توم

- 4 معالق كبيره زيت نباتي

- معلقه صغيره عصير ليمون

- نص معلقه صغيره ملح - نحط النشا مع المياه في طبق على النار، ونحركها لحد ماتدوب على نار هاديه خالص ونستمر في التقليب لحد الخليط يبقى تقيل نرفعه من على النار ونسيبه يبرد شويه.

- نفرم التوم ناعم جدا ونحطه في الخلاط مع عصير الليمون والملح وبعدين نضيف خليط النشا ونضربهم لحد قوامهم يبقا متماسك. - نضيف الزيت بالتدريج والخلاط شغال لحد ما نوصل للكثافه المناسبه واللون الأبيض الكريمي.

- لازم نحطها في التلاجه اقل واجب ساعه قبل التقديم.

طريقة الصوص 👇🏻

- 2 قرن فلفل حامي مفروم

- فصين توم مفرومين - بصله صغيره مفرومه - كبايتين صوص طماطم - معلقتين زيت - نص معلقة ملح - نص معلقه صغيره فلفل اسود - نص معلقة شطه حمرا

- نسخن الزيت على النار ونشوح فيه البصل لحد ما يتبل.

- نضيف التوم والفلفل الحامي ونقلب لحد ما الفلفل يترى.

- نصب صوص الطماطم.

- نهدي النار ونضيف التوابل.

- نسيب الصلصه على النار لحد ما تغلي ونرفعها ونسيبها تبرد خالص وبعدين نقدمها.