طريقة تحضير سويسرول

 

سويسرول

مقادير السبونج كيك ⬇️

4 بيضات

2/3 كوب ( 130 جرام ) سكر

1/3 كوب ( 40 جرام ) دقيق

3 معلقه كبيره مسحوق الكاكاو الخام

صينيه مقاس 30 × 40

مقادير شراب السكر ⬇️ 1/3 كوب ماء

50 جرام سكر بودره

مقادير الحشوه ⬇️

2/3 كوب ( 160 مل ) كريمة خفق

2 معلقه كبيره سكر

كاكاو وسكر بودره للتزيين

طريقة التحضير 🥣

- اضربي البيض كويس فى البدايه وبعدين ضيفي السكر وقلبيهم مع بعض وبعدين انقلى الوعاء فوق وعاء تاني من الماء المغلي ( حمام بخار مائي ) واستمري فى التقليب بالمضرب الكهربائي على سرعه قليله لمده ماتقلش عن 3 دقايق لحد ما الحجم يتضاعف معاكي

- اخلطى الطحين مع الكاكاو وبعدين بالتدريج هتضيفي خليط البيض مع التقليب بعد كل إضافه.

- صبي خليط الكيك فى صينيه مبطنه بورق الزبده وتساوي سطحها كويس جدا

- سخني الفرن على درجة حراره 200 درجه ودخليها لمدة 7 : 8 دقايق.

- خرجى الكيك من الفرن وظبطي الحواف بتاعته بسكينه صغيره وبعدين اقلبيه وحضري شراب السكر هتغلى الماء مع السكر وبعد ما يبرد هتدهني الكيك بالكامل بشراب السكر.

- اضربي الكريمه مع السكر لحد ما يتضاعف حجمها وتبقى لينه معاكي.

- وزعيها بالتساوي على سطح الكيك مع ترك نص سم فى النهايه فاضي

- لفي الكيك براحه خالص حوالين الحشوه على شكل رول وبعدين حطي عليها صوص الشوكلاته

- قطعي السويسرول شرايح وقدميه وبالهنا والشفا

.

كيك الريد فيلفت

 

كيك الريد فيلفت

المقادير ⬇️

- كوب ونص زبده‬

- كوب ونص السكر

- 3 بيضات

- 2 معلقه كبيره كاكاو

- كيس ونص لون أحمر "خاص بالاكل بالحلويات"

‫- معلقه صغيره من الملح‬

- 2 كوب ونص دقيق

- معلقه صغيره فانيليا

- كوب لبن رايب

- معلقه صغيره بيكنج بودر

- معلقه كبيره من الخل

مقادير كريمة التزيين ⬇️

- ‫ربع كيلو جبنه كريمي ناعمه‬

- 2 كوب سكر بودره

- معلقه صغيره فانيليا ويفضل تكون سايله

- مكعب صغير زبده حوالي 110جرام

طريقة التحضير 🥣

- باستخدام المضرب‬ الكهربائي اخلطي الزبده والسكر واضربيهم كويس على السرعه المتوسطه، وبعدين حطي البيض والفانيليا واضربيهم كويس برضه وعلى نفس السرعه.

- هتجيبي طبق صغير وتخلطي فيه اللون الأحمر مع الكاكاو وبعدين هتحطيهم مع البيض والسكر.

‫- حطي الملح والدقيق والبيكنج بودر واللبن الرايب على الخليط الاساسي ، واخلطيهم كويس، وبعدين هتضيفي معلقة الخل واخفقي جيداً.‬

- لما تتأكدي ان القوام متجانس واللون مكفي الخليط، هتحطي الخليط فى قالب الكيك، ودخليه في الفرن على درجة حراره 350 درجه، لمدة ساعه كامله.

- هتخرجي الكيك من الفرن وتسبيه تلت ساعه يبرد، وبعدين تقسمي الكيك 3 طبقات بسكينه رفيعه من النص

.

طريقة كريمة التزيين ⬇️

‫- تخلطي الزبده و الجبنه الكريمي بالمضرب كويس جدا.‬

- ضيفي السكر البودره للخليط، على مرتين "نص الكميه الاول وبعدين حطي باقى السكر واضربيه.

- حطي الفانيليا واتاكدي ان الخفق تمام لحد ما القوام يبقى متجانس وجاهز .

‫- هتفردي الكريمه بين الطبقات، وبعدين تغطي بيها الكيك من برا وتتأكدي إن مافيش أي أجزاء بارزة من الكيك.‬

حسب رغبتك ممكن تضيفي شرايح فراوله او ترشي السطح والجوانب باللون الأحمر.

- دخليها التلاجه قبل التقديم ب 3 ساعات على الاقل.

سندويتش تورتيلا باللحمه المفرومه والجبنه الموتزاريلا مع التوميه وصوص الطماطم الحار

 

سندويتش تورتيلا باللحمه المفرومه والجبنه الموتزاريلا مع التوميه وصوص الطماطم الحار

المقادير ⬇️

- معلقة زبده

- ربع كيلو لحمه مفرومه

- رشة فلفل اسود

- رشة ملح

- رشة قرفه

- رشة بهارات لحمه - ربع كباية بصل مفروم

- ربع فلفل أخضر

- معلقة صلصة طماطم

- ربع كباية مياه

- 2 رغيف تورتيلا

- جبنه موزاريلا

الخطوات ⬇️

- هندوب الزبده على النار ونضيف اللحمه ونقلبها لحد ما ميتها تتشرب ولونها يتغير.

- نتبلها بالملح والفلفل الاسود والبهارات والقرفه.

- نضيف البصل والفلفل الأخضر ونقلب لحد ما البصل والفلفل يتبلوا وبعدين نضيف معلقة الصلصله وربع كباية المياه ونقلب 

كويس لحد ما اللحمه تستوي.

- نحط رغيف عيش التورتيلا في طاسه تيفال على نار هاديه

ونفرد الجبنه الموتزاريلا ونحط فوقها اللحمه ونحط موتزاريلا على الوش ونلف العيش ونقفله زي اللي في الصوره كده - نقلب الرغيف على الوشين لحد ما الوشين يتحمروا.

- نكرر نفس الخطوات دي مع الرغيف التاني وبالهنا والشفا.

طريقة التوميه 👇🏻

- 3 معالق كبيره نشا

- كوب الا ربع مياه

- 3 فصوص توم

- 4 معالق كبيره زيت نباتي

- معلقه صغيره عصير ليمون

- نص معلقه صغيره ملح - نحط النشا مع المياه في طبق على النار، ونحركها لحد ماتدوب على نار هاديه خالص ونستمر في التقليب لحد الخليط يبقى تقيل نرفعه من على النار ونسيبه يبرد شويه.

- نفرم التوم ناعم جدا ونحطه في الخلاط مع عصير الليمون والملح وبعدين نضيف خليط النشا ونضربهم لحد قوامهم يبقا متماسك. - نضيف الزيت بالتدريج والخلاط شغال لحد ما نوصل للكثافه المناسبه واللون الأبيض الكريمي.

- لازم نحطها في التلاجه اقل واجب ساعه قبل التقديم.

طريقة الصوص 👇🏻

- 2 قرن فلفل حامي مفروم

- فصين توم مفرومين - بصله صغيره مفرومه - كبايتين صوص طماطم - معلقتين زيت - نص معلقة ملح - نص معلقه صغيره فلفل اسود - نص معلقة شطه حمرا

- نسخن الزيت على النار ونشوح فيه البصل لحد ما يتبل.

- نضيف التوم والفلفل الحامي ونقلب لحد ما الفلفل يترى.

- نصب صوص الطماطم.

- نهدي النار ونضيف التوابل.

- نسيب الصلصه على النار لحد ما تغلي ونرفعها ونسيبها تبرد خالص وبعدين نقدمها.

طريقة تحضير فرايد تشيكن

 فرايد تشيكن احلى من بتاعت المطاعم 😋😍 المقادير ⬇️

- كيلو من قطع الفراخ اللي تحبوها.

- كوبايه ونص دقيق متعدد الاستخدامات.

- معلقتين نشا.

- نص معلقه صغيره ملح.

- نص معلقه صغيره فلفل أسود.

- نص معلقه كبيره بودرة ثوم.

- نص معلقه كبيره بودرة بصل.

- مكعب مرقة دجاج مطحون.

- معلقه صغيره بابريكا.

- بولة مياه ساقعه متلجه.

طريقة التحضير ⬇️

- هنغسل قطع الفراخ كويس ونصفيها بمصفاه ونسيبها لحد ما تتصفى خالص.

- في بوله كبيره نخلط الدقيق مع كل التوابل الي قولنا عليها ونسيبهم على جنب.

- نجيب قطع الفراخ ونتبلها من نفس التوابل ولو عاوزينها سبايسي هنزود معلقتين صلصه الحاره ونخليها ترتاح في التلاجه 4 ساعات على الاقل. - بعد كده ناخد قطعة فراخ ونحطها في خليط الدقيق والتوابل ونتأكد انها اتغمست في الخليط بشكل كامل.

- نشيل القطعه من الدقيق ونتخلص من الدقيق الزياده ونغمسها في المياه المتلجه وننزل بيها في خليط الدقيق تاني ونغطيها بالخليط كويس.

- نكرر نفس الخطوات مع باقي قطع الفراخ ونحطها في صينيه أو طبق كبير وندخلها التلاجه اقل حاجه 3 ساعات ويستحسن يوم 

كامل.

- نحضر طاسه غويطه فيها زيت كتير بحيث يغطي قطع الفراخ.

- نسخن الزيت وننزل بكل قطعة فراخ براحه خالص في الطاسه ونسيب مساحه كافيه بين القطع وبلاش نخليهم لازقين في بعض.

- نقليها لمدة 20 لـ 25دقيقه على نار متوسطه ونحولهم ونقلبهم كل شويه.

- نطلع قطع الفراخ من الطاسه ونصفيها من الزيت كويس وبالهنا والشفا 

طريقة تحضر الباونتي او الجيرسي الشهي

 🍫🥥 الجيرسي او الباونتي

المقادير ⬇️

3 ونصف كوب جوز هند ناعم

علبه حليب مكثف محلي جاهز او بيتي

ربع كيلو شيكولاته خام بالحليب

طريقة التحضير ⬇️

في طبق عميق نحط جوز الهند و عليه الحليب المكثف المحلي بالتدريج لحد ما تتكون عجينه قابله للتشكيل لما نضغط عليها بإيدينا تتماسك نشكلها حسب الرغبه.. انا ضغطتها ف قالب مستطيل القاعده عشان يبقى الشكل مظبوط ممكن علبه تلاجة او المتوفر... نغطيها وندخلها التلاجة تتماسك وشكلت كذا قطعه على شكل كرات بتبقى شكلها لطيف وشيك جدا ف التقديم وبتعمل كميه كبيره... نحط الشيكولاته ع حمام مائي تسيح... ونخرج عجينه جوز الهند من التلاجة نقطعها و ننزلها في ال شيكولا و نرفعها بشوكة عشان تصفي كويس من اي شيكولا زياده و نرصها ع كيس تلاجة مفتوح او ورقه زبده... ولما تجمد نشيلها ف علبه ف 

التلاجة... ووقت التقديم برصها ف ورق الشيكولاته

ملحوظات مهمه جدا 👌🏻

1️⃣جوز الهند🥥 لازم ولابد يبقى طازه ريحته نفاذه وباين انه جديد مش قديم وعديم الريحة لأنه اساس الوصفه وأفضل نوعين هو السيريلانكي والفيتنامي

2️⃣نوع الشيكولاته🍫 لا يقل اهميه عن جوز الهند نختار نوع كويس.. الوصفه دي كل ما كان جودة الخامه المستخدمة عاليه كل ما تحسو انها متفرقش ابدا عن الجاهزة.

3️⃣لو حابين نكهة وطعم أقوى بضيف للمكونات معلقه صغيرة او اكتر حسب الرغبه من زيت جوز الهند القابل للأكل بيدي نكهة وريحة مع الطعم وهميييه😋

طريقة تحضير لازانيا باللحم المفروم والباشميل

😋😍 لازانيا باللحم المفروم والبشاميل

المقادير:

باكيت لازانيا 400 جرام

750 جرام لحمه مفرومه

2 بصله كبيره مفرومه ناعم

فصين ثوم مفرومين ناعم

3 معالق كبار زبده.

معلقه كبيره بقدونس مفروم

معلقه كبيره زعتر مجفف

ملح وفلفل أسود حسب الرغبه

نصف كيلو طماطم مقشره ومفرومه

معلقتين كبار معجون طماطم

مقادير البشاميل:

معلقتين كبار زبده

ملح وفلفل اسود حسب الرغبه

رشة جوزة الطيب

4 معالق كبار دقيق

نصف كوب جبنه موتزاريلا

2 كوب حليب

في حله على النار نضيف الزبده وننزل البصل ونقلبه كويس لحد مايدبل

نضيف اللحم المفروم والثوم للبصل ونقلب لحد ما اللحمه تستوي

نضيف البقدونس والزعتر المجفف ثم الطماطم المفرومه ونقلب كويس ونتبل بالملح والفلفل الأسود مع التقليب

نغطي الحله ونسيبها على نار متوسطه شويه لحد ما المكونات تتجانس ونرفعها عن النار

لعمل البشاميل:

نضيف الدقيق إلى الزبده المذابه في حله على النار ونقلب لمدة دقيقتين

نضيف الحليب السائل مع التقليب المستمر لحد ما القوام يتقل

نضيف الملح والفلفل الاسود، ورشة جوزة الطيب ونضيف الجبنه الموزاريلا مع الاستمرار في التقليب وبعدين نرفعه عن النار ونسيبه على جنب

نسلق اللازانيا نصف سوا في ماء مملح متضاف معاه معلقتين زيت وبعدين نطلعها نحطها في مياه بارده بمكعبات تلج عشان اللازانيا ماتلزقش مع بعضها

ملحوظه: سلق اللازانيا بيكون شريحه او اتنين بالكتير ونستخدم معلقه خشب للتقليب، وفيه أنواع لازانيا مش بتحتاج سلق وبنستعملها على طول

نجيب صينيه بايركس ندهنها بشاميل بسيط وفوقها طبقة من اللازانيا ونضيف طبقه من اللحمه المفرومه. نكرر طبقة بشاميل على اللحمه ونغطيها بطبقة لازانيا وننهي الازانيا بطبقة بشاميل ونضيف الجبنه الموتزاريلا على الوش

ندخل الصينيه فرن ساخن على درجة حراره 

 

200 لمدة 20 دقيقه لحد 

ما اللون يبقا ذهبي.

 

طريقة تحضير بان كيك بطاطس بالجبن

 

بان كيك البطاطس بالجبنه اللذيذ

 المقادير:

4 بطاطس مهروسة

كوب جبنة موتزاريلا

بيضة كبيرة

نصف كوب دقيق

3 فصوص ثوم مفروم

معلقة كبيرة بقدونس مفروم

نصف كوب بقسماط مطحون

زيت زيتون

طريقة التحضير

حطي البطاطس المهروسة فى طبق كبير وضيفى عليها كوب جبنة موتزاريلا وضيفى نصف كوب الدقيق والبيضة والبقدونس وقلبيهم كويس

اخفقي واستمري فى التقليب وشكلي اقراص صغيرة

وغلفيها فى البقسماط

نحضر طاسه وندهنها زيت بسيط ونسيبها علي النار وناخد كل قرص ونحطه في الطاسة لحد ما يستوي أول وش وياخد لون ذهبي ونقلبه على الوش التاني.